მომღერალი ნუცა ბუზალაძე გადაცემა „დილის პოსტის“ სტუმარი იყო, სადაც ქვეყანაში მიმდინარე მოვლენებზე და მის მიმართ კრიტიკაზე ისაუბრა.
„მაშინ დამარცხდები ადამიანი, როცა მათ დაემსგავსები. ყველაზე დიდი გამარჯვება ჩემი არის ის, რომ დავრჩი ისეთ ადამიანად, როგორიც ვიყავი ძალიან დიდი ხანი. ჩემთვის, როგორც არტისტისთვის ძალიან გულსატკენია, როცა ვუყურებ ჩემს ხალხს გახლეჩილს და ანუ ჩემი აზრით, ჩემი აზრით, არტისტის მოვალეობა არის ის, რომ ერთიანობისკენ მოუწოდოს ხალხს და სიყვარულისკენ.
მე ასევე ვარ ძალიან პრინციპული ადამიანი და არ არსებობს, რომ სულ რომ მილიარდი ადამიანი დამიდგეს წინ, მე თუ მაქვს აზრი და ეს მიმაჩნია სწორად, არასდროს არ ვყვები ხოლმე ტრენდებს. ჩემი სხვაობა სხვათა შორის, ძალიან ბევრი ადამინი ჩემნაირად აზროვნებს, უბრალოდ არ ვხმაურობთ და ადამიანებს, ვისაც მართლა რაღაცის კეთება შეუძლიათ, ჩუმად აკეთებენ“, – ამბობს ნუცა ბუზალაძე.
