“ჩემი შვილისთვის შეყვარებულობანა არ დამიშლია, რადგან მე თვითონ მწარე გამოცდილება მქონდა. სკოლის ასაკიდანვე ჩამჩიჩინებდნენ, რომ ბიჭიებისთვის ყურადღება არ უნდა მიმექცია და მხოლოდ სწავლისთვის დამეთმო დრო.
საბოოლოოდ, სასიყვარულო ურთიერთობებში გამოუცდელმა გოგომ წუმპეში ამოვყავი თავი. დიდხანს ვერ გავერკვიე, ვის გავყევი და რატომ გავყევი. ამ ამბის არც გახსენება მინდა და არც მოყოლა.
სიმწრით გავზარდე შვილი, ბავშვისთვის გადანახულ ფულს ხან სად ვმალავდი, ხან სად, ქმარს რომ არ მოეპარა…
ასეთი დღეები გამოვიარე, ახლა კი ჩემ შვილს თურმე ვესირცხვილები.
სადარბაზოებს ვალაგებ, კერძო სახლებშიც მივდივარ, როცა ვინმე დამირეკავს, შრომა არ მეთაკილება. იმის გამო, რომ ჩემი შვილი სტუდენტი გახდეს და კარგი მომავალი ჰქონდეს, თავი გადადებული მაქვს.
ვცდილობ, კარგ ადამიანად აღვზარდო, ამას წინათ მითხრა, შეყვარებული მყავსო. ვუთხარი, ზომიერების ფარგლებში მოქცეულიყო და თავი ისე დაეჭირა, ზედმეტი არავის არაფერი ეკადრებინა მისთვის.
ძალიან მაინტერესებდა იმ ბიჭის ნახვა, მაგრამ მიმალავდა, არ უყვარს ფოტოების გადაღებაო… ერთხელაც წვიამიან დღეს, სადარბაზოს კიბეებს ვწმენდდი, ღამდებოდა, გავიგონე სიცილ-კისიკისით რომ შემოვიდა ორი ახალგაზრდა.
ბიჭი ეუბნებოდა გოგოს, ხელი ჩაწიე, ასე უკეთ გაკოცებო, ხმაზე ჩემი შვილი ვიცანი და აჩქარებით კიბეებზე ჩამოვირბინე, ბიჭს მხარზე ხელი ვკარი და მოვაშორე…
დაიღრიალა, თქვენ ვინ გეკითხებათო, დედა ვარ- მეთქი, ჩემმა გოგომ ისეთი სახე მიიღო, თითქოს პირველად მნახა… ეს დამლაგებელი ქალი იტყუება, დედაჩემი იტალიაშიაო.
ალბათ გიჟიაო და შევეშალეო… უცებ სადარბაზოდან გაიქცნენ… სახლამდე ძლის მივაღწიე … ნაცვლად იმისა, რომ მოებოდიშა, აქეთ დამესხა თავს, შემარცხვინეო, დღეს ყველა შეყვარებული ასე იქცევაო…
ხელი გავარტყი, პირველად ცხოვრებაში… იმ ბიჭმა სიმართლე მაინც გაიგო დაშორდა, მართლა დამლაგებელი ყოფილა დედაშენიო. ამის გამო ჩემი შვილი ხმას არ მცემს.
რა ვიღონო? ერთადერთი მყავს და ვერ გავიმეტებ.
ვიცი ამ წერილს სადმე მოკრავს თვალს და იქნებ ურჩიოთ რამე… ”
გთხოვთ მოიწონეთ და გააზიარეთ თქვენი აზრი კომენტარებში..
ყურადღება: ფოტო პირობითია
მაია, 46 წლის; წყარო: მშობლები.გე
