ცნობილი იტალიელი მუსიკოსი კარლო პონტი და მისი მეუღლე მარიამ შარმანაშვილი თაფლობის თვეს ამერიკის შეერთებულ შტატებში, კერძოდ, მაიამიში ატარებენ.
ამის შესახებ მარიამი „ინსტაგრამზე“ წერს.
„ჩვენი თაფლობის თვეც დაიწყო“, – წერს მარიამი.
შეგახსენებთ, კარლო პონტიმ და მარიამ შარმანაშვილმა 26 ივლისს იქორწინეს. მათ გრანდიოზულ საქორწინო წვეულებაზე უამრავ სტუმარს უმასპინძლეს. ქართული ტრადიციული ელემენტებით გაფორმებული ქორწილი არაერთ ემოციურ ეპიზოდს მოიცავდა, წყვილმა ჯვარი სამთავროს მონასტერში დაიწერა, შემდეგ იყო საქორწინო ფიცი და წყვილის მიერ შესრულებული „დაისი“.
აღსანიშნავია, რომ ლეგენდარული იტალიელი მსახიობის სოფი ლორენის ვაჟის, კარლო პონტის და მარიამ შარმანაშვილის ქორწილს საზოგადოების ნაწილმა ისტორიული უწოდა. მარიამის და კარლოს გაცნობის და სიყვარულის ისტორია ნამდვილად ზღაპრულია.
