საუდის არაბეთში აშშ-ისა და უკრაინის წარმომადგენლებს შორის მოლაპარაკებები დასრულდა.
შეხვედრის შემდეგ ცნობილი გახდა, რომ უკრაინა თანხმობას აცხადებს 30-დღიან ცეცხლის შეწყვეტაზე, ხოლო ამერიკა განაახლებს უკრაინისთვის სამხედრო დახმარებისა და სადაზვერვო ინფორმაციის მიწოდებას.
„უკრაინამ მზადყოფნა გამოთქვა, მიიღოს აშშ-ის წინადადება ცეცხლის დაუყოვნებლივ, 30 დღის ვადით შეწყვეტის შესახებ, რომელიც შესაძლოა გახანგრძლივდეს მხარეთა ურთიერთშეთანხმებით.
აშშ კი განაახლებს უკრაინისთვის სადაზვერვო ინფორმაციის მიწოდებას და მისთვის სამხედრო დახმარების მიწოდებას“, – აღნიშნულიაუკრაინის პრეზიდენტის ვებგვერდზე გამოქვეყნებულ განცხადებაში.
მხარეების შეთანხმებით, ამას უნდა მოჰყვეს ხანგრძლივი მშვიდობის დამყარების პროცესი.
ახლა, ჯერი რუსეთზეა, რომელმაც ცეცხლის შეწყვეტაზე საკუთარი პოზიცია უნდა დააფიქსიროს.
