თელავში ავტოსაგზაო შემთხვევის შედეგად გარდაცვლილი ქვეითი, 73 წლის პედაგოგი, ნელი ჯავახიშვილია
ქალს, რუსთაველის ქუჩაზე მსუბუქი ავტომობილი ფეხით გადაადგილების დროს დაეჯახა.
დაშავებული კლინიკაში მოათავსეს, თუმცა, ახლობლების თქმით, მიღებული ტრამვების პარალელურად თრომბი განუვითარდა და მისი გადარჩენა ვეღარ მოხერხდა.
ნელი ჯავახიშვილი თელავის №3 საჯარო სკოლაში წლების განმავლობაში ისტ-ის მასწავლებლად მუშაობდა, ბოლო პერიოდში კი ინფომენეჯერის პოზიციას იკავებდა.
დაღუპულ პედაგოგზე სამძიმრის განცხადებას ავრცელებს თელავის №3 საჯარო სკოლა.
“-მრავალი წლის განმავლობაში ერთგულად ემსახურებოდა სკოლას როგორც მასწავლებელი, ისე ადმინისტრაციის წარმომადგენელი. მესამე საჯარო სკოლის კოლექტივისთვის უკიდურესად ძნელია მასზე წარსულში საუბარი. ვუსამძიმრებთ ოჯახს და ახლობლებს“.- წერია განცხადებაში.
მომხდარზე გამოძიება 276-ე მუხლით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს.
წყარო: ახალი ამბები კახეთიდან
