მეტეოროლოგი, მოსახლეობას აფრთხილებს:
,,გაფრთხილება მოსალოდნელ ამინდზე
რამდენიმე საათში, დასავლეთ საქართველოში გავრცელდება ცივი და ნოტიო ჰაერის მასების დამატებითი ნაწილი. 29 დეკემბერს, დღის პირველ ნახევარში მოსალოდნელია ძლიერი ნალექი მთელს დასავლეთ საქართველოში, ქალაქების აბსოლუტურ უმეტესობაში თოვლის სახით. მთაში ძლიერი თოვა, რამაც შეიძლება გამოიწვიოს მნიშვნელოვანი შეფერხებები გზებზე ან გზების სრულად დაკეტვა. მიზანშეწონილია სრულიად ავირიდოთ თავიდან დასავლეთ საქართველოს მთიან რელიეფზე მანქანით გადაადგილება. 29 დეკემბერს დღის მეორე ნახევრიდან, განსაკუთრებით 20:00-21:00 საათის შემდეგ, გაძლიერდება დასავლეთის ქარი. დასავლეთ და ცენტრალური იმერეთის , ასევე სამეგრელოს ტერიტორიის უმეტეს ნაწილზე მოსალოდნელია ქარბუქი ისევე, როგორც მაღალმთიან გურიასა და აჭარაში. ითოვებს სვანეთსა და რაჭაში. ზღვაზე იქნება 5-6 ბალიანი შტორმი, რაც სავარაუდოდ გამოიწვევს ზღვისპირა ინფრასტრუქტურის მნიშვნელოვან დაზიანებას. ზღვასთან ახლოს გადაადგილება უკიდურესად სახიფათოა. კოლხეთის დაბლობზე მოსალოდნელია ელჭექიც. (იხილეთ ელჭექის სავარაუდო რუკა კომენტარებში). გარემოს ეროვნული სააგენტო დასავლეთ საქართველოს მდინარეებზე წყლის დონის მატების რისკს აფასებს, როგორც “მაღალი”. მოსახლეობა მზად უნდა იყოს ელექტროენერგიის შეწყვეტის ეპიზოდებისთვის.
განსაკუთრებით დიდი ყურადღება უნდა დაეთმოს გურიასა და აჭარის დამეწყრილ ზონებს, სადაც იარსებებს მეწყრული პროცესის ჩასახვის ან/და გააქტიურების რეალური რისკი”,-წერს მეტეოროლოგი.
