საქართველოს 16-წლამდელთა ნაკრებმა ერზურუმში გამართულ საერთაშორისო ტურნირზე გამოსვლა თურქმენეთთან გამარჯვებით დაასრულა.
სანდრო კობახიძის გაწვრთნილმა გუნდმა მეტოქეს 4 უპასუხო გოლი გაუტანა. ანგარიში გიორგი ლაგვილავას საგოლე გადაცემით ხვიჩა კვარაცხელიას ძმამ, თორნიკე კვარაცხელიამ გახსნა. მეორე გოლი გიორგი გორგაძემ შეაგდო. თამაშის მიწურულს ალექსანდრე კუნჭულიამ და ანდრია ჩხაიძემ გაიტანეს.
აღნიშნულ ტურნირზე საქართველოს 16-წლამდე ნაკრებმა კიდევ ორი მატჩი ჩაატარა, ყირგიზეთს მოუგო (0:3) და უზბეკეთთან დამარცხდა (4:1).
