ლევან ჯანგველაძის მკვლელობის საქმეზე შსს-მ 3 პირი დააკავა, ორს კი ბრალი დაუსწრებლად წარედგინება.
განცხადება შინაგან საქმეთა სამინისტროში თბილისის პოლიციის დეპარტამენტის დირექტორმა, ვაჟა სირაძემ გააკეთა.
ტვ პირველის ცნობით, ერთ-ერთი დაკავებული ცნობილი ბიზნესმენი გიორგი მიქაძეა.
მის სახლში რამდენიმე საათის წინ სპეცოპერაცია ჩატარდა.
ე.წ კანონიერი ქურდის, მერაბ ჯანგველაძის ძმა, ბიზნესმენი ლევან ჯანგველაძე თბილისში, ჭავჭავაძის გამზირზე 14 მარტს გვიან ღამით მოკლეს. მას ქვეითთა გადასასვლელთან რამდენჯერმე ესროლეს.
ლევან ჯანგველაძე თბილისში რამდენიმე დღით იყო ჩამოსული და ის დაცვის თანხლებით გადაადგილდებოდა. მომხდარის შედეგად დაიჭრა ჯანგველაძის თანმხლები პირიც.
