ამას წინათ “ფეისბუკზე” ძალიან კარგ პოსტს წავაწყდი. “დღევანდელი საოცარი ამბები” ჰქონდა სათაურად და ავტორი თავს გადახდენილ ამბავს ჰყვებოდა, თუმცა, ჩემი ყურადღება კომენტარებმა უფრო მიიპყრო. რამდენიმეს თქვენც გთავაზობთ და აქვე გთხოვთ, რომ თუ თქვენც გადაგხდათ თავს ასეთი “საოცარი ამბები”, აუცილებლად გაგვიზიარეთ.
“დღეს, როდესაც ჩემს კლასელს ვუთხარი, რომ მამაჩემი მძულს, მან გაკვირვებულმა შემომხედა და მითხრა: “მე კიდევ ვოცნებობ, რომ ერთხელ მაინც შემხვდესო”.
“მე არ მჯეროდა სასწაულების, სანამ დღეს, ჩემი 19 წლის შვილმა საშინელი დიაგნოზის მერე, – რომ ის ვერასოდეს ვერ გაივლიდა, პირველი ნაბიჯები არ გადადგა და დავინახე მის სახეზე სიხარულით გამოწვეული ღიმილი”.
“დღეს, ჩემი 5 წლის შვილმა მკითხა, თუ რატომ იჯდა მოხუცებული კაცი გადასასვლელთან ასე მარტო, ავუხსენი, რომ მას არ ჰყავდა ოჯახი, არ ჰქონდა ფული და ასე უწევდა ცხოვრება. ჩემმა პატარამ სევდიანი თვალებით შემომხედა და მითხრა: “მამა, გთხოვ, მიეცი მას ფული და საჭმელი, არ მინდა, რომ ის მოკვდეს”.
“დღეს, 20 წელი გავიდა ჩემი ძმის სიკვდილიდან. მისი გული, რომელიც ტრანპლანტაციის საშუალებით გადაუნერგეს ბიჭს, ჩემს დაზე სიგიჟემდეა შეყვარებული”.
“დღეს 7 წელი გავიდა საშინელი ტრაგედიის მერე. სწორედ ამ დღეს, 7 წლის წინ, როდესაც დედა მანქანით მიდიოდა, წინ პატარა ბავშვმა გადაურბინა, დედამ საჭე ვერ დაიმორჩილა, მაგრამ ბავშვისთვის რომ არ დაერტყა მანქანა, ელექტრო ბოძს დააჯახა. დღეს პატარა ბავშვი უკვე 20 წლისაა და ყოველი თვის დასაწყისში დედასთვის ყვავილების თაიგული მოაქვს”.
“დღეს, იმ მძიმე წლების შემდეგ, რომელიც ალკოჰოლთან ბრძოლას მოვანდომე, თავს სრულიად ბედნიერად ვგრძნობ. მინდა გითხრათ, რომ მე და ჩემი მეუღლის სიყვარული ისე ძლიერი არასოდეს ყოფილა, როგორც ახლა”.
“დღეს ჩემს შეყვარებულს ვუთხარი, რომ ორსულად ვარ. არ ვიცი, რას მეტყვის ის, მაგრამ ის კი ვიცი, რომ ჩემს ცხოვრებაში პირველად აღარ მივიღებ გადაწყვეტილებას, რომელიც არ მინდა.. მე დედა გავხდები”.
“დღეს, როდესაც მანქანა გავაჩერე წითელზე, დავინახე ხელჯოხიანი ასაკოვანი ქალბატონი, რომელიც გადასვლაში ეხმარებოდა ინვალიდის სავარძელში მჯდომ უცნობ მამაკაცს”…
“დღეს 17 წელი გავიდა ჩემი დაბადებიდან. მას შემდეგ, რაც დედას უთხრეს, რომ დიდი რისკი იყო ჩემი დაბადება და უკეთესი იქნებოდა აბორტი, დედამ ეს მაინც არ გააკეთა. დღეს ორივენი ჯანმრთელები და ბედნიერები ვართ.”
“დღეს დავეჯახე ვიღაცას, რომელმაც გამახსენა ისევ ვიღაც, რომელსაც შეეძლო ჩემი გაღიმება.”
“დღეს ჩემმა მეგობარმა, რომელსაც უმძიმესი დიაგნოზი დაუსვეს, გადაიღო ფოტოები და ატვირთა სოციალურ ქსელში. სურათებში კარგად ჩანს გადაპარსული თავი, მისი ღიმილი და შეყვარებული, რომელიც ეხუტება. ბევრმა შეიძლება თქვას – “რა ცოდვაა”, მაგრამ მას უყვარს სიცოცხლე და იბრძვის.”
“დღეს, როდესაც მედიცინის სიახლეებს ვეცნობოდი, გამახსენდა მამაჩემი, რომელიც 76 წლის ასაკში გარდაიცვალა რადიაციული დასხივებით. როდესაც ექიმმა უთხრა, რომ ყველა მედიკამენტით შეძლებდნენ მის დახმარებას, მამაჩემმა უთხრა: `დაანებეთ თავი ჩემს მკურნალობას, სამედიცინო რესურსი და მედიკამენტები სხვებს უფრო სჭირდებათ, მე ხომ 76 წლის ვარ.”
“დღეს, როდესაც ბაბუაჩემი ექიმთან მიმყავდა, გზაზე შუქნიშნის გამო გაჩერება მოგვიხდა. ბაბუაჩემმა გაიღიმა, შემომხედა და მითხრა: ყოველთვის იბღვირები და ბრაზდები, როდესაც წითელი ინთება, მაგრამ არასოდეს გამოხატავ სიხარულს, როდესაც მწვანე ფერის დრო დგება. ასე არიან ადამიანები, ისინი ბრაზდებიან, როდესაც ცხოვრება მკაცრად ექცევა, მაგრამ არ ამბობენ მადლობას და არ უხარიათ, როდესაც სიხარულის რეალური მიზეზი ეძლევათ”.
აი, ასეთი საოცარი ამბები შეიძლება მოხდეს “დღეს”..
გთხოვთ მოიწონეთ, გააზიარეთ და დააკომენტარეთ სტატია.
