„მამაჩემის გამო შეიძლება ჩემი საყვარელი ადამიანი დავკარგო.. ვერაფრით გავაგებინე, რომ რელიგია არაფერ შუაშია..”

სოციალური ქსელის ერთ-ერთმა მომხმარებელმა პოსტი გამოაქვეყნა, რომელშიც დახმარებას ითხოვს. მის პოსტს უცვლელად გთავაზობთ:

ხათო, 17 წლის: “მამაჩემი მაჰმადიანია, მე და დედა კი ქრისტიანები გახლავართ.

მართალია, ამის გამო დისკომფორტი არ გვექმნება და ოჯახში დაძაბული სიტუაციაც არასდროს გვქონია, მაგრამ ახლა მამის გამო შეიძლება, საყვარელი ადამიანი დავკარგო

ლევანს ვუთხარი, ჩემი მშობელი მართლმადიდებელი რომ არ არის და გადაირია, -ეს რა მითხარიო? ახლა მეუბნება:

ან მამაშენს მოსთხოვე, სარწმუნოება შეიცვალოს, ან დავშორდებით; ვერ ავიტან, სიმამრმა ალაჰზე რომ დამიწყოს ლაპარაკიო.

ვეუბნები: სარწმუნოებაზე შენთან სიტყვასაც არ დაძრავს, ამის გამო პრობლემა არ შეგექმნება-მეთქი, მაგრამ არ სჯერა.

ჰგონია, რომ მომავალი სიმამრი მის გადაბირებას შეეცდება და ამის გამო ურთიერთობა დაეძაბება.

მიშველეთ, დამეხმარეთ, თორემ თავს მოვიკლავ…”

ჟურნალი ”გზა”