ჩემი ქმარი ძალზე კარგი ადამიანია და მასთან თავს კარგად ვგრძნობ, თან ცხოვრებისეული ეშმაკობებიც ვისწავლე
იყო დრო, როდესაც ცხოვრება ჯოჯოხეთად მეჩვენებოდა. სულ ახალი გათხოვილი ვიყავი, როცა ჩემმა ქმარმა საყვარელი გაიჩინა. რომ გავთხოვდი, 87 კილო ვიყავი. ისე ვინერვიულე ქმრის ღალატის გამო, რომ 56 კილომდე ”ჩამოვედი”.
ვიცოდი, ვის ხვდებოდა, სად დადიოდა, როდის ხვდებდა, მაგრამ ხმას ვერ ვიღებდი, რადგან წინასწარ ვყავდი გაფრთხილებული, რომ თუ რაიმე საკითხზე პრეტენზია გამიჩნდებოდა და ამას ხმამაღლა ვიტყოდი, იმ დღესვე ოჯახს დაანგრევდა.
ამის გამო ვიყავი გაჩუმებული. ბოღმას გულში ვიკლავდი და ჩუმ-ჩუმად ვტიროდი ხოლმე. რა თქმა უნდა, სულ უხასიათოდ ვიყავი. დედამთილი კი ჩემზე ამბობდა, უჟმური და უხასიათოაო.
ის ცალკე მიწყალებდა გულს. არც შვილი შემეძინა და ცალკე ამას ვდარდობდი. 3 წელი ვიცხოვრე ასეთ ჯოჯოხეთში. ერთ მშვენიერ დღეს კი, ჩემს მეგობართან სტუმრად ვიყავი, როდესაც მისი ნათესავი, ახალგაზრდა ქალი მოვიდა.
ის პროფესიით ფსიქოლოგია. წლების განმავლობაში არ ვყავდი ნანახი და ასეთი, გამხდარი რომ დამინახა, გაუკვირდა: რომელი დიეტა გამოიყენეო? – მკითხა. ავდექი და სიმართლე ვუამბე.
ძალიან ბევრი ვილაპარაკეთ და ძალზე კარგი რჩევა-დარიგებაც მივიღე. მერე შემომთავაზა, რომ მასთან სეანსებზე მევლო.. ძალზე შევიცვალე და სრულიად სხვა თვალით შევხედე ცხოვრებას. ჩემს ქმარს კატეგორიულად მოვთხოვე ერთგულება.
რა თქმა უნდა, ძალიან გაუკვირდა. ისე ვიჩხუბეთ, რომ დედამთილმა ძლივს გაგვაშველა. ამის შემდეგ სიტუაცია ძალიან დაიძაბა და იქ გაჩერება უკვე აღარ შეიძლებოდა.
რამდენიმე თვის შემდეგ, ქმარს გავცილდი. ამის შემდეგ დაიწყო ჩემს ცხოვრებაში ახალი ეტაპი. წარსული შეძლებისდაგვარად დავივიწყე და მომავალზე ფიქრი დავიწყე. მომავალი ძალზე ბუნდოვნად მეჩვენებოდა და დეპრესიაშიც ჩავვარდი.
სამსახურს ვერ ვშოულობდი. ჩემი მშობლები რაიონში ცხოვრობდნენ, მე კი იქ წასვლა არ მინდოდა და არც იმის საშუალება მქონდა, რომ თბილისში თავი გამეტანა.
ისევ ფსიქოლოგის რჩევა გავითვალისწინე და მომავალზე ფიქრს თავი დავანებე. მხოლოდ აწმყოთი დავიწყე ცხოვრება. ცოტა ხნის შენდეგ, სამსახურიც გამოჩნდა და ბინაც ვიქირავე.
კიდევ 2 წლის შემდეგ კი, გავთხოვდი. ჩემი ქმარი ძალზე კარგი ადამიანია და მასთან თავს კარგად ვგრძნობ, თან ცხოვრებისეული ეშმაკობებიც ვისწავლე.
ამას წინათ, ჩემი მეგობარი გახლდათ ჩემთან სტუმრად. მთელი დღე მასთან ჭორაობაში გავატარე და სამსახურიდან ჩემი ქმრის დაბრუნების დრო ისე მოვიდა, რომ კერძის მომზადება ვერ მოვასწარი.
მაღაზიაში ჩავირბინე და 2 პაკეტი პელმენი ვიყიდე. სამზარეულოს მაგიდაზე ფქვილი მოვაფრქვიე, წინსაფარი გავიკეთე და როდესაც ჩემმა ქმარმა კარზე დააკაკუნა, პელმენი ფქვილში მაშინ ამოვსვარე.
ჩემი მეგობარი გაოცებული მიყურებდა. ალეკოს ვუთხარი – უკვე 2 საათია, პელმენებს ვაკეთებ, ძალიან დავიღალე, გთხოვ, იქნებ, შენ მოხარშო-მეთქი. რა თქმა უნდა, უარი არ უთქვამს.
გემრიელად მივირთვით ყველამ და ქმრისგან ქებაც დავიმსახურე.. აი, ასე! ცხოვრება მშვენიერია! მთავარია, აწმყოთი ცხოვრება ისწავლოთ.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
