ალბათ, უცნაურია, რასაც ახლა გწერთ; ვიცი, რომ დამნაშავე ვარ და პირველ რიგში, საკუთარი შვილის წინაშე.
ოცდაჩვიდმეტი წლის ისე გავხდი, რომ გათხოვილი არ ვყოფილვარ, მაგრამ ამ წლების განმავლობაში იმდენი მაინც შევძელი, რომ ჩემთვის ერთოთახიანი ბინა მეყიდა და ძმის ოჯახისთვის თავი დამეღწია.
12 წლის ვიყავი, მშობლები რომ ავარიით დაიღუპნენ და მე და ჩემს ძმას მამიდა გვპატრონობდა. ორი წლის წინ სამსახური გამოვიცვალე.
მალე ახალი წელი მოდიოდა და ახალ გარემოში ადაპტაცია ძალიან გამიჭირდა. საბოლოოდ მივხვდი, რომ 31 დეკემბრის ღამეს მარტო მომიწევდა ყოფნა.
ძველი კოლეგების შეწუხება არ მინდოდა, რამდენიმე გასათხოვარი დაქალი კი სამსახურის გამოცვლის გამო ნაწყენები დარჩნენ. არ მოეწონათ, ბანკს რომ თავი დავანებე და მუშაობა კაზინოში დავიწყე.
იმის შიშით, რომ ახალ წელს მარტო არ დავრჩენილიყავი, სერიოზულ ავანტიურაზე წავედი და ერთი კვირით ადრე რომელიღაც სააგენტოში დავრეკე და ახალი წლის ღამეს სანტა კლაუსი გამოვიძახე.
სტუმარი ღამე, ორ საათზე მეწვია. თავიდან რაღაც სისულელე მოვიგონე, რომ ბავშვს დაეძინა და ვერ გავაღვიძებდი და გაშლილ სუფრასთან მივიწვიე.
ჩემდა სამარცხვინოდ, მაშინვე მომახალა, რომ თუ სექსი მინდოდა, არ დამამადლიდა. მოკლედ, იმ ღამეს სანტასთან ვიწექი. თან ისე, რომ სახიდან წვერი არ მოუხსნია.
მართალია, მეგობარი მამაკაცი მანამდეც მყავდა და იმ პერიოდში ახალი დაშორებული ვიყავი, მაგრამ ფეხმძიმედ არასოდეს დავრჩენილვარ.
ღამის სტუმრობიდან სამ თვეში მივხვდი, რომ ბავშვს ველოდებოდი. ეს ამბავი ძმის ოჯახმა ძალიან მტკივნეულად მიიღო და დღემდე არ მელაპარაკებიან.
ყოფილი საყვარელი კი რამდენჯერმე მომივარდა და მითხრა, რომ ბავშვი მომეშორებინა. ცხრა თვეში გოგონა გავაჩინე. მე შავგვრემანი ვარ, სწორი თმით; პატარა კი ცისფერი თვალებითა და ქერა კულულებით დაიბადა.
ალბათ შემეძლო, იმ სააგენტოში დამერეკა და გამეგო, ვინ იყო ჩემი შვილის მამა, მაგრამ არ მინდა, ამით იმ ადამიანს ცხოვრება ავურიო.
ყველაფრის მიუხედავად, მისი მადლიერი ვარ, რომ ასეთი ლამაზი და დიდი ხნის ნანატრი გოგონა მაჩუქა.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: სტატიაში მითითებული ფოტოები პირობითია
წყარო: მარაო.გე
