“სიმამრმა მითხრა, რომ მხოლოდ იმ შემთხვევაში მომცემდა მის შვილზე დაქორწინების უფლებას თუ გვარს გადავიკეთებდი, ამიტომ იძულებული გავხდი მის გვარზე გადავსულიყავი..”
ცოტა უხერხულად გამოსათქმელი გვარი მაქვს და ამის გამო ბავშვობიდან დაკომპლექსებული ვარ. კარგად მახსოვს, სკოლაში რამდენი იცინა მასწავლებელმა, როდესაც სიაში ჩემი გვარი პირველად ამოიკითხა.
ჩემი ტანჯვა მაშინ დაიწყო, როდესაც პირველად შემიყვარდა. გარეგნობას არ ვუჩივი და არც გოგონების მოხიბვლა მიჭირდა, მაგრამ როგორც კი ჩემს გვარს გაიგებდნენ, სათოფეზე აღარ მეკარებოდნენ.
ერთმა ისიც მითხრა, არ მინდა, ჩემი შვილებიც შენნაირად იტანჯებოდნენო. მესამე კურსზე ვიყავი, მომავალი მეუღლე რომ გავიცანი. ინტერნეტსივრცე ბევრი რამის დამალვის საშუალებას გაძლევს და ამიტომ დიდი ხნის განმავლობაში სხვა გვარით მიცნობდა.
შემდეგ ერთმანეთს შევხვდით. ლიკას (სახელი შეცვლილია) სიგიჟემდე შევუყვარდი და ჩემ გარეშე ერთი დღეც ვერ ძლებდა.
პრობლემას ისიც ემატებოდა, რომ გვარად დადიანი იყო და წარმოიდგინეთ, მამამისის სახის დანახვა, როდესაც ჩემს ნამდვილ გვარს გაიგებდა. სკანდალი რომ თავიდან ამეცილებინა, ერთ დღეს მომავალ მეუღლეს სიმართლე ვუთხარი.
ამის გამო სამი დღე აღარ მელაპარაკებოდა, მაგრამ ბოლოს მაინც შემირიგდა, მაგრამ საოცარი ულტიმატუმი წამომიყენა.
მამამისმა ერთადერთი შვილის ტანჯვა რომ გაიგო, მკაცრად გამოუცხადა, მხოლოდ იმ შემთხვევაში მოგვცემდა დაქორწინების უფლებას, თუ მათ გვარზე გადავიდოდი.
მამაჩემმა ეს რომ გაიგო, კინაღამ წნევამ დაარტყა და დამემუქრა, გვარს თუ გადავიკეთებდი, სახლში აღარ შემიშვებდა. ერთთვიანი წვალების შემდეგ გულმა ისევ საყვარელი ქალისკენ გამიწია და დადიანებს დავნებდი.
ექვსი თვეა, რაც ლიკა ჩემი ცოლია. მამა სახლში არ მიშვებს და დროებით სიმამრთან ვცხოვრობთ. დროებით რა, ან სად მაქვს წასასვლელი.
დედა ჩუმად მოდის ჩვენ სანახავად. ამ ბოლო დროს ხშირად ვფიქრობ, ღირდა კი ამხელა მსხვერპლის გაღება?!.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: სტატიაში გამოყენებული ფო ტოები პი რო ბი თია..
წყა რო: ჟურნალი ”რეიტინგი”
