რადიო „არ დაიდარდოსთან“ ლაშა რამიშვილის გადაცემაში ჩართვისას მომღერალმა სოფო ნიჟარაძემ ექსკლუზიურად უპასუხა წამყვანის მიერ დასმულ შეკითხვას უსაყვარლესი ქალიშვილის, ელის-მარია სააკაშვილის შესახებ.
სოფო ნიჟარაძის ინტერვიუს უცვლელად გთავაზობთ:
„თქვენთან რომ მელაპარაკა, ოთახში ჩავიკეტე. არ ვიცი, ეთერში ისმოდა თუ არა, მაგრამ კარზე მიკაკუნებდა და დედა, „საფო“ მეძახდა. უნდა, რომ ყურადღების ცენტრში იყოს და მის გარეშე არაფერი მოხდეს. დედობა არაჩვეულებრივი, ძალიან სასიამოვნო ამპლუაა, განსხვავებული მდგომარეობაა.
მინდა ვთქვა, რომ როგორც ადამიანი და როგორც შემოქმედი, ძალიან შემცვალა დედობამ. ყველაფერი შეიცვალა ჩემ ირგვლივ, პრიორიტეტები სხვანაირად დალაგდა. ახლა, პრიორიტეტული ჩემი შვილია და ყველაფერი მის გარშემოა“.
შეგახსენებთ, რომ მომღერალი სოფო ნიჟარაძე შვილთან – ელის მარია სააკაშვილთან – ერთად საქართველოში მიმდინარე წლის ოქტომბერში დაბრუნდა. ბავშვის გვარს მაშინვე მოჰყვა დიდი ვნებათაღელვა და ეს საკითხი განხილვის საგანი გახდა.
სოციალური ქსელის მომხმარებლების ნაწილმა აიტაცა ზოგიერთი საინფორმაციო საშუალების მინიშნება, რომ ბავშვის მამა ექს-პრეზიდენტი მიხეილ სააკაშვილია, თუმცა თავად სოფო ამაზე დუმდა…
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში…
