ბავშვის ცემაში მხილებული ბათუმელი ქორეოგრაფის პირველ კომენტარს აკეთებს:
მომხდარს კი ქორეოგრაფი ambebi.ge-სთან საუბრისას ასე იხსენებს:
„არ ვიცი, ეს როგორ დამემართა, არასდროს ბავშვზე ხელი არ ამიწევია. დედა ახალი გარდაცვლილი მყავდა, ალბათ ამიტომ ვერ შევიკავე თავი. საჩივარი შევიტანე, კი…
ეს კადრები არსად გასულა. ამ ფაქტის შემდეგ დირექტორმა გამათავისუფლა, უბრალოდ, მე და ადვოკატმა მოვითხოვეთ, რომ არ გავეთავისუფლებინე, სანამ სასამართლო არ დასრულდებოდა და განაჩენს არ გამომიტანდნენ.
ადვოკატმა საჭიროდ ჩათვალა მოგვეთხოვა, რის საფუძველზე ვიყავი გათავისუფლებული და ამას მიეცა მერე მსვლელობა, თორემ მე თავს კი არ ვიმართლებ, რა მაქვს გასამართლებელი? ვნანობ, ოჯახს დავდევდი და ვთხოვდი, იქნებ ეპატიებინათ.
პირველი შემთხვევა იყო… გეფიცებით, 25 წელია ბავშვებთან ვარ და საერთოდ არ ვეკარები მათ, ამასობაში ჩემთან, დარბაზში ჩხუბიც არ მომხდარა ერთმანეთში და ამან ცოტა გადამიყვანა ჭკუიდან, დედა ახალი მკვდარი მყავდა და ესეც დაემატა…
ბავშვზე ლაპარაკი არ მინდა, მასზე საყვედურის თქმა არ მინდა, ამას არასდროს გავაკეთებ, მათ საკუთარი შვილებივით ვზრდიდი…
მშობლებს არაფრის გაგონება არ უნდათ, კადრები დადეს და ამან უფრო გაამძაფრა სიტუაცია, ჩემგანაც საჩივარი შევიდა და… მოკლედ, არ ვიცი… ძალიან ვნანობ“. – ამბობს მერაბ დოლიძე.
