„ქართულმა ოცნებამ“ მიხეილ ყაველაშვილი საქართველოს პრეზიდენტობის კანდიდატად დაასახელა. მას შემდეგ, რაც მას საარჩევნო კოლეგია დაამტკიცებს, ყაველაშვილი ოფიციალურად შეუდგება პრეზიდენტის უფლება-მოვალეობების შესრულებას და შესაბამისად, ქვეყანას წლების შემდეგ, პირველად ეყოლება პირველი ლედი.
ვინ იქნება პირველი ლედი და რომელი ცნობილი ვარსკვლავის და არის ის?
თამარ ბაგრატიონი მომღერალ ლიზა ბაგრატიონის და არის.
Ambebi.ge მიხეილ ყაველაშვილის ოჯახის შესახებ 2021 წელს წერდა:
წყვილს სამი საერთო შვილი ჰყავთ: მარიამ ყაველაშვილი 1996 წელს ინგლისში, მანჩესტერში დაიბადა, გურამი – 2001 წელს, შვეიცარიაში, ციურიხში, მესამე შვილი – ელისაბედ ყაველაშვილი, 2013 წელს, თბილისში დაიბადა. თამარ ბაგრატიონს ჰყავს კიდევ ერთი შვილი, პირველი ქორწინებიდან – გიორგი ივანიშვილი, რომელიც 1989 წელს, თბილისში დაიბადა.
თამარი პირველ ქორწინებაში პოლიტიკოს ნიკოლოზ ივანიშვილის ძმასთან, ბიჭი ივანიშვილთან იმყოფებოდა, რომელიც საუბედუროდ, გარდაიცვალა. თამარ ბაგრატიონის პირველი შვილი გიორგი ივანიშვილი წარმატებული ფეხბურთელია. 31 წლის ნახევარმცველმა 2 წლის წინ სასნოვიეცის „ზაგლებიესთან“ კონტრაქტს ხელი სეზონის ბოლომდე მოაწერა. საქართველოს ახალგაზრდული ნაკრების ყოფილი წევრი ბოლო წლებში საჩხერის „ჩიხურაში“ თამაშობდა.
