ხუთი ბავშვის სიცოცხლე ემსხვერპლა ოკუპირებულ გალში მომხდარ ხანძარს. ცეცხლი სოფელ საბერიოში ჩოლარიების სახლში გაჩნდა.მეხანძრე მაშველებმა ბავშვების გადარჩენა ვერ მოახერხეს.
„ხუთივე ბავშვი დაიწვა. არ ვიცი ცეცხლი როგორ გაჩნდა, ნავთი ჩაასხეს თუ ბენზინი, არ ვიცი. ბებია იყო სახლში, დედა საავადმყოფოში იყო თურმე, ზუგდიდში“.
„მეორე კლასელია უფროსი, 8 წლის და დანარჩენი და ყველაზე პატარა 1 წლის“, – ამბობენ ადგილობრივები.
ხანძრის გამომწვევი მიზეზები ჯერჯერობით უცნობია.ინფორმაციას აფხაზეთის საინფორმაციო-ანალიტიკური ცენტრი ავრცელებს.
შემთხვევის დროს მცირეწლოვნები ბებიასთან ერთად იმყოფებოდნენ. მაშველებმა მხოლოდ ბებიის გადარჩენა შეძლეს.
