მომღერალმა თათია კობალაძემ სოციალურ ქსელში გაავრცელა ვიდეო, რომელშიც თქვა, რომ საქართველოს წელს “ევროვიზია 2025-ზე” მარიამ შენგელია წარადგენს.
ინფორმაცია ჯერ დადასტურებული არ არის. სიმღერას და კონკურსანტს, სავარაუდოდ, 15 მარტისთვის გაასაჯაროვებს “პირველი არხი”.
მარიამ შენგელია წარმოშობით ზუგდიდელია. ის პირველად 2018 წელს მუსიკალური კონკურსებში გამოჩნდა.
მას შემდეგ მარიამს თავისი ბენდი, სახელად “მიქსტურა” ჰყავს.
მომღერლის პირად ცხოვრებაზე ბევრი არაფერია ცნობილი, თუმცა რამდენიმე თვის წინ, ჟურნალ “თბილისელებთან” ინტერვიუში მან ისაუბრა:
“როდესაც შეყვარებული ვარ, ისეთი ბედნიერი, რომ ყველა საქმეს ორმაგად კარგად ვაკეთებ. აქამდე კარიერასა და პირადს ვერ ვუთავსებდი ერთმანეთს, მაგრამ თურმე, როცა გიყვარდება, სულ სხვანაირად ხდება. დღეს კარიერაში ზუსტად იმიტომ ვარ კარგად, რომ გვერდით მყავს ადამიანი, რომელიც მაძლევს ძალას ყველაფრის საუკეთესოდ გასაკეთებლად. თურმე, კარიერა სიყვარულს არ გამორიცხავს, ამ ადამიანმა დაამსხვრია ჩემი წარმოდგენები…“ – ამბობს მარიამ შენგელია “თბილისებელთან”.
სოციალურ ქსელში მარიამი რამდენჯერმე გამოჩნდა მორაგბე გიორგი მჭედლიშვილთან ერთად, თუმცა ამ მომენტში მათ საერთო ფოტოები აღარ უდევთ.
