ასტროლოგი ქეთი ოდიშელი სოციალურ ქსელში 2025 წლის პირველი მთვარის დაბნელების შესახებ ვრცელ მასალას აქვეყნებს და წერს, თუ რას მოუტანს მოვლენა ზოდიაქოს თითოეულ ნიშანს.
„14 მარტს, ქალწულის ზოდიაქოს ნიშნის 25 -ე გრადუსზე გვაქვს მთვარის დაბნელება. ის იღებს სტარტს 10:26 საათზე და დასრულდება 11:31 საათზე, თუმცა დაბნელების ეფექტები უკვე საგრძნობია ხოლმე, დაბნელებამდე 1 კვირით ადრეც.
მეგობრებო, ზოგადად დაბნელების ფონი ინდივიდუალურია თითოეული ადამიანისთვის, პროგნოზი დამოკიდებულია ინდივიდის რუკაზე, შეიძლება იყოს მომგებიანი, სასიკეთო ან პირიქითაც, თუმცა ნებისმიერ შემთხვევაში, მიმდინარე ასტრონომიული პროცესების შედეგად, არასასურველი ფაქტორები აისახება ნებისმიერ ჩვენგანზე, ამიტომ მსგავს პერიოდებში სასურველია თავი შევიკავოთ მნიშვნელოვანი საკითხების გადაწყვეტისგან, სამედიცინო ქირურგიული ან ინვაზიური მანიპულაციებისგან და მშვიდ, ჩვენთვის ჰარმონიულ გარემოში გავატაროთ მეტი დრო.
მთვარის დაბნელების ფონი რამდენიმე კვირიდან რამდენიმე თვემდე გასტანს.
დაბნელება, როგორც უკვე აღვნიშნეთ ქალწულის ზოდიაქოს ნიშანშია, ამ ნიშნის მმართველი პლანეტა მერკური, რომელიც თითქმის გაჩერებულია და მალე უკან, წარსულისკენ აიღებს გეზს.
მერკური საინფორმაციო სივრცეს განაგებს, (ასევე ექიმების სიგნიფიკატორია, ქალწული კი მე6 ე.წ. ავადობის სახლს მართავს).
ეს განსაკუთრებით ეხება ტელე-რადიო კომუნიკაციების სივრცის წარმომადგენლებს.
აქვე გახსენებთ, რომ უკანმავალია პლანეტა ვენერაც, რომელიც ჩვენს ფასეულობებსა და პირად ურთიერთობებს განაგებს, ამიტომ ეს მოვლენები უფრო მეტად გაამძაფრებს დაბნელების დერეფნის ეფექტებს, რომელიც 29 მარტის მზის დაბნელებამდე გაგრძელდება.
მოერიდეთ კამათსა და სარკაზმს, ღიმილი, პატიება და მიტევება საუკეთესო გამოსავალია, თუ “გადაამლაშებენ” დაიცავით თქვენი პოზიცია, თუმცა მეტი გაგებით მოეკიდეთ პარტნიორებს.
შესაძლოა გამწვავდეს ფსიქოლოგიური სახის პრობლემები, სხვადასხვა ფობიები. თითქოს თითოეულ ჩვენგანში მეტად გაიღვიძებს მანკიერი მისწრაფებები, არ არის საჭირო საკუთარ თავთან ომის გაჩაღება, მიიღეთ თქვენი ეს ნაწილი და დაამუშავეთ ეს ენერგია, იმისთვის რომ თქვენი უკეთესი ვერსია შექმნათ.
ყურადღებას თხოულობს: კუჭნაწლავის ზონა, კანი, თავის ზონა. თავი შეიკავეთ ალკოჰოლისა და ეგზოტიკური საკვების მიღებისგან, რადგან არის მოწამლვის ალბათობა.
ნუ მიიღებთ ნაჩქარევ გადაწყვეტილებებს და კიდევ უფრო მეტად ნუ გაამწვავებთ არსებულ სიტუაციებს. თუმცა, ნუ მოიტყუებთ თავს!
არ არის რეკომენდებული ასეთ სავსემთვარეობებზე დამუხტვები, თუმცა საკმაოდ დიდი ენერგები ტრიალებს და შეგიძლიათ ტრანსფორმაციული პრაქტიკებით, ფსიქოლოგიური საკითხებით, სურვილების ფორმირებითა და გავლილი საკითხების კორექციით დაკავდეთ.
მნიშვნელოვანი ძვრები, დაწყებული პირადი თემით, დასრულებული სახელმწიფო დონეზე, პარტნიორულ საკითხებს, მორიგებას, ან კავშირების დასრულებას ასევე აღდგენას შეეხება. თუმცა მთლიანად მარტის თვეში მიღებულ გადაწყვეტილებებს აუცილებლად გადახედეთ, რადგან დიდია შეცდომების დაშვების ალბათობა.
არ გირჩევთ ამ დღეებში მგზავრობას.
ნუ გაგიკვირდებათ ტექნიკის მწყობრიდან გამოსვლა.
რაც შეეხება ჯანმრთელობას, იყავით ზომიერი და დაიცავით შესაბამისი ზოგადი წესები და რეკომენდაციები.
იზრუნეთ ენერგო-ტონუსის ამაღლებაზე, ჯანსაღი ცხოვრების წესსზე. სასიკეთოა სხვადასხვა გამწმენდი პროცედურების ჩატარება.
დაბნელება თუ განსაკუთრებით შეგეხებათ (ანუ თქვენს ნათალურ რუკასთან იკვეთება რაიმე თემით, მაგ: თუ ხართ თევზების, ქალწულის, ტყუპებისა ან მშვილდოსნის ზოდიაქოს ნიშნის ბოლო პერიოდიში დაბადებული, ან გყავთ ამ პოზიციაში მთვარე, პირადი პლანეტა ან კარდინალური ჯვრის წერტილები) მაშინ ეს იქნება თქვენთვის ძირეული, ფუნდამენტური საკითხების მოგვარების, გადაჭრის, ტრანსფორმაციის, ერთობ მტკივნეული, თუმცა საჭირო საშუალება. ეცადეთ შინაგანად გაიზარდოთ, გადახედეთ წარსულს, თუ ერთ წრეზე ტრიალებთ, მაშინ პრობლემები გარეთ კი არა, შიგნით უნდა გადაწყვიტოთ თქვენს თავში.
ამ პერიოდში ძალიან ეფექტურია ფსიქოლოგთან მუშაობა თუ ამის საჭიროება გაქვთ.
ახლა კი ვნახოთ, რა თემები იქნება აქცენტირებული თითოეული ნიშნისთვის:
ვერძი
ჯანმრთელობის თემას მეტი ყურადღება დაუთმეთ. ცვლილებები საქმიანობის სფეროში, შესაძლოა ახალი თანამშრომლები, ახალი სამუშაო განრიგი. შესაძლოა თქვენს სახლს ახალი ოთხფეხა ბინადარი შეემატოს.
კურო
შემოქმედები კუთხით ნაყოფიერი პერიოდია. სიახლე შესაძლოა ბავშვების თემას უკავშირდებოდეს ან იპოვოთ თქვენი ცხოვრების მეგზური.
ტყუპები
აქტუალურია სახლთან და ოჯახთან დაკავშირებული თემები, შესაძლოა მიიღოთ გადაწყვეტილება უძრავი ქონების ყიდვის, ან გაყიდვის თაობაზე.
კირჩხიბი
სასიკეთო პერიოდია რაიმე ტრენინგ-კურსების გავლისთვის. შესაძლოა მოგიწიოთ მგზავრობა, გადაადგილება. შეხვედრები, მოლაპარაკებები, საბუთებთან მუშაობა მეტ დროს მოითხოვს.
ლომი
ფინანსებთან დაკავშირებული საკითხები მეტ ყურადღებას მოითხოვს, ეს შეიძლება უკავშირდებოდეს ახალ სამსახურს, ახალ შემოსავლის წყაროს ან სხვა საჭიროებების თემას.
ქალწული
იზრუნეთ ჯანმრთელობაზე, იმიჯზე, თუმცა კარდინალური ცვლილებების შეტანას ახლა არ გირჩევთ. იაქტიურეთ ზომიერების ფარგლებში, პირად თემაშიც შესაძლოა იყოს ცვლილებები.
სასწორი
იმუშავეთ თქვენს თავზე. ნუ მოიწყენთ, თქვენს ირგვლივ შექმნილი სიტუაცია მალე უფრო მხიარულით შეიცვლება. მანამდე კი თვითგანვითარებასა და სულიერ საზრდოს მეტი დრო და რესურსი მოახმარეთ.
მორიელი
თქვენი საქმიანობა მეტ შემოსავალს მოგიტანთ. ახლა თქვენი სურვილების ასრულების დრო დადგა. იყავით აქტიური, მეტად ჩაერთეთ სოციალურ თემებსა და ღონისძიებებში. შესაძლოა შეიძინოთ ახალი მეგობარი.
მშვილდოსანი
სიახლეები შესაძლოა კარიერულ თემას ეხებოდეს – ახალი სამსახური ან თანამდებობა. ზოგიერთი მშვილდოსანმა კი დედობის, მამობის ან ქორწინების სტატუსი შეიძლება „მოირგოს“.
თხის რქა
შესაძლოა სასამართლო პროცესთან დაკავშირებული საკითხი გადაწყდეს ან უცხოეთთან, მოგზაურობასთან დაკავშირებული თემები იყოს აქტუალური.
მერწყული
შესაძლოა მნიშვნელოვანი ცვლილებებისა და ვნებათაღელვის ეპიცენტრში მოჰყევით. ცვლილებები შესაძლოა ოჯახში შემოსავალს, კრედიტების, ბანკის თემას ან მემკვიდრეობის საკითხებსაც უკავშირდებოდეს.
თევზები
პირადი თემა ყველაზე აქტუალურია. ეცადეთ დაალაგოთ ურთიერთობები. იყავით მეტად მომთმენი, ნუ აჰყვებით მითქმა-მოთქმასა და ავ ენებს. შეინარჩუნეთ ზომიერება“, – წერს ქეთი ოდიშელი.
