საქართველოში ჯადოს მოხსნის რიტუალების დროს მომხდარი ტრაგიკული შემთხვევების შესახებ საჯარო ინფორმაცია შეზღუდულია, თუმცა მსოფლიოში მრავალი მსგავსი შემთხვევა დაფიქსირებულა.
ერთ-ერთი ასეთი შემთხვევა აშშ-ში, კალიფორნიის შტატში მოხდა, როდესაც სამი წლის გოგონა გარდაიცვალა სავარაუდო ეგზორციზმი დროს. გოგონას დედამ, ბაბუამ და ბიძამ,ბავშვიდან “დემონის” ამოსაყვანად რიტუალი ჩაატარეს, რომელიც 12 საათს გაგრძელდა. მომხდარის შემდეგ, ისინი დააკავეს მკვლელობის ბრალდებით.
მსგავსი შემთხვევები დაფიქსირებულა სხვა ქვეყნებშიც. მაგალითად, ნიკარაგუაში 25 წლის ქალი გარდაიცვალა ეგზორციზმის დროს, როდესაც ევანგელისტმა მღვდელმა ის ცეცხლში მოისროლა. მღვდელი და მისი თანამზრახველები დააკავეს მკვლელობის ბრალდებით.
ეგზორციზმი არის რელიგიური რიტუალი, რომლის მიზანია ადამიანისგან ან ადგილისგან ბოროტი სულის, ე.წ. “დემონის”, განდევნა. ტერმინი მომდინარეობს ბერძნული სიტყვიდან ἐξορκισμός (exorkismos), რაც ნიშნავს „ფიცის დადებით გამოძევებას“.
რიტუალის დროს გამოიყენება ლოცვები, წმინდა წყალი, ჯვარი, წმინდა წიგნები.
ხშირია სპეციალური მღვდლების მონაწილეობა.
რიტუალს ხშირად თან ახლავს ძლიერი ემოციური და ფსიქოლოგიური რეაქციები.
კათოლიკური ეკლესია ოფიციალურად აღიარებს ეგზორციზმს და მას აქვს განსაზღვრული წესები.
რიტუალის ჩატარება შეიძლება მხოლოდ ეპისკოპოსის ნებართვით და მხოლოდ განსაკუთრებულ შემთხვევებში.
მართლმადიდებელი ეკლესია: არ იყენებს ტერმინს ფორმალურად, თუმცა არსებობს ლოცვის ფორმები ბოროტ სულებთან ბრძოლის მიზნით.
პროტესტანტული ეკლესიების დამოკიდებულება განსხვავდება დენომინაციიდან გამომდინარე:
ზოგი ძალიან აქტიურად იყენებს „დემონის განდევნის“ რიტუალებს.ზოგი პროტესტანტული ეკლესია კი მათ ცრუმორწმუნეობად მიიჩნევს და უარყოფს.
