ქართული ოცნების” დეპუტატი ნინო წილოსანი სოციალურ ქსელში პოსტს აქვეყნებს, სადაც ოპოზიციის მხარდამჭერებს აკრიტიკებს და მათ პოზიციას ეჭვქვეშ აყენებს.
წილოსანი საკუთარ სტატუსში ასახელებს ცნობილ პირებს და მათ საჯარო მხარდაჭერას იყენებს იმ არგუმენტისთვის, რომ “არასწორ მხარეს” დგანან ისინი, ვინც ასეთ გარემოცვაში აღმოჩნდნენ:
“ეკა კვესიტაძე – ვანო მერაბიშვილის ხელის ბიჭის ცოლი რომ ტაშს გიკრავს, ნიკა გვარამია რომ გმირად გაცხადებს,
ნანუკა ჟორჟოლიანი რომ შენთვის ფულს აგროვებს, „ფრი“ მიშას მაძახებლები რომ გგულშემატკივრობენ,
ქართული ჯარის ნაძარცვი ფულით დაფინანსებულ მედიაში რომ ზიხარ – უნდა მიხვდე, რომ არასწორ მხარეს ხარ!!!” – წერს წილოსანი.
წილოსანის მწვავე განცხადებას მალევე გამოეხმაურა ტელეწამყვანი და ჟურნალისტი ნანუკა ჟორჟოლიანი, რომელმაც ირონიული ტონით შეახსენა დეპუტატს სოციალური პასუხისმგებლობა და ურჩია, გაჭირვებულ ადამიანებს – განსაკუთრებით კი ბავშვებს – დაეხმაროს:
“არ გინდა გაჭირვებული გურულებისთვის ფული შეაგროვო? ოჯახებს გამოგიგზავნი. აგერ, ერთი გურული ბავშვი ქვაზე ცხოვრობს და ჯართით არსებობს.მიდი და აჩუქე, კეთილო ფერიავ, რამე ამ ბავშვს.“
