7 ივლისს, ისრაელის პრემიერი ბენიამინ ნეთანიაჰუ შეერთებულ შტატებში ჩავიდა, რათა დონალდ ტრამპთან ერთად, ღაზას სექტორში მიმდინარე ომი და ირანის ბირთვული პროგრამა განეხილა.
თეთრ სახლში გამართულ ოფიციალურ ვახშამზე ბენიამინ ნეთანიაჰუმ დონალდ ტრამპს გადასცა წერილი, რომლითაც ის, აშშ-ის პრეზიდენტს ნობელის მშვიდობის პრემიაზე წარადგენს.
„მინდა გადმოგცეთ წერილი, რომელიც ნობელის კომიტეტს გავუგზავნე და რომლითაც მშვიდობის პრემიაზე წარგადგენთ, რაც თქვენ ნამდვილად დაიმსახურეთ და ეს პრემია უნდა მიიღოთ“ – მიმართა ისრაელის პრემიერ-მინისტრმა ტრამპს.
ამის პასუხად, აშშ-ის პრეზიდენტმა განაცხადა:
„დიდი მადლობა! ეს არ ვიცოდი. ვაუ! განსაკუთრებით ღირებულია თქვენგან ამის მოსმენა. დიდი მადლობა, ბიბი! ეს დიდი პატივია.“, – უპასუხა ტრამპმა.
ნეთანიაჰუმ კი აღნიშნა – ,,მადლობა ყველაფრისთვის, რასაც აკეთებთ”
