იაკობ გოგებაშვილის სახელობის სკოლა სამწუხარო ინფორმაციას ავრცელებს.
„ღრმა მწუხარებით ვიუწყებით, რომ გარდაიცვალა ჩვენი კოლეგა, მეგობარი, ყველასთვის უაღრესად ძვირფასი და ერთგული ნინო გვილავა.
ნინო იყო არამხოლოდ ბრწყინვალე პროფესიონალი, პედაგოგი და მათემატიკოსი, არამედ ყველას იმედი და საყრდენი – სითბოსა და სიმტკიცის წყარო.
ნინოს გარეშე ცხოვრება მძიმე ტკივილია. გულწრფელად ვუსამძიმრებთ მის ოჯახს, ახლობლებს, მეგობრებს და ჩვენი სკოლის დიდ ოჯახს. ღმერთმა მოგვცეს ყველას ამ უდიდესი ტკივილის გადატანის ძალა“, – წერია გავრცელებულ ინფორმაციაში.
