ექიმი გიორგი ღოღობერძის სოციალურ ქსელში 17 წლის გოგოს ისტორიას აზიარებს, რომელმაც მამის გადარჩენა სცადა.
„ფიზიკურად ვერ მოვითმენ, რომ ეს ისტორია არ მოგიყვეთ თქვენ. მეც რომ გავიგე, დამბურძგლა და სულ თვალწინ მიდგას — ეს როგორ შეიძლება ყოფილიყო. გუშინ გაგაცანით ბევრი მაგარი ბავშვი, რომლებმაც ეროვნულებზე აიღეს უმაღლესი შედეგები. მათ შორის ერთ-ერთი იყო ციური ჩიხრაძე.
ამ ბავშვის ისტორია ცოტა სხვაგვარადაა, მინდა რომ გითხრათ. სწავლის დაწყებიდან რამდენიმე კვირაში ციურის მამა გაუხდა ცუდად — გული გაუჩერდა. ეს ყველაფერი დაინახა 17 წლის გოგომ, ციურიმ. მამამისს მივარდა და სასწრაფოს მოსვლამდე შეუჩერებლად, უწყვეტად გულ-ფილტვის რეანიმაცია გაუკეთა. 17 წლის ბავშვმა, რომელსაც არანაირი გამოცდილება არ ჰქონდა, იბრძოლა, რომ მამა სიკვდილისთვის ხელიდან გამოეგლიჯა.
ბავშვმა ისე გააკეთა გულ-ფილტვის რეანიმაცია, რომ სასწრაფოს მოსვლამდე არ გაჩერებულა — ხელიდან ვერ გამოსტაცეს მამამისი.
ასეთი მაგარი ექიმი ეყოლება მედიცინას ციურის სახით…“ — ამბობს გიორგი ღოღობერიძე ვიდეოში.
