თურქეთის ჩრდილო-დასავლეთით 6.1 მაგნიტუდის მიწისძვრა მოხდა.
მიწისქვეშა ბიძგები 200-მდე კილომეტრის მოშორებით მდებარე სტამბოლშიც იგრძნობოდა.
მსხვერპლის შესახებ ინფორმაცია ჯერჯერობით არ გავრცელებულა.
თურქეთის საგანგებო ვითარებათა სააგენტოს განცხადებით, მიწისძვრას რამდენიმე შემდგომი ბიძგი მოჰყვა – მოქალაქეებს მოუწოდებენ, არ შევიდნენ დაზიანებულ ნაგებობებში.
ადგილობრივი მედიის ცნობით, მიწისძვრის ეპიცენტრში, ქალაქ სინდირგიში ერთი შენობა დაინგრა.
