სალომე გოგიაშვილი სკანდალურ ჩანაწერს ასაჯაროვებს – ,,გიხდი სამაგიეროს… იმედია, აქვს საშუალება, რომ ბილეთი აგიღოს და ამ ქალქიდან გაგიშვას”

“…გადავწყვიტე, რომ ცილისწამებებს წერტილი დავუსვა, გარდა იმისა, რომ ამ ქალმა ოჯახი დამინგრია, არ ამთავრებს ტყუილს და შანტაჟს. ქალი არის შეუჩერებელი იმიტომ, რომ ეგონა ჩანაწერები არ მქონდა. ყველა ჩანაწერი მაქვს, უბრალოდ რაღაცებს ვუწევდი ანგარიშს. მე პოლიციაში შევიტანე საჩივარი, არ ვიცი რატომ, მაგრამ ჯერჯერობით მათ რეაგირება არ აქვთ. საჩივარი შევიტანე იმიტომ, რომ ვინმეს მაინც შეეჩერებინა. ვერ გეტყვით რატომ არ აქვთ რეაგირება, ამიტომ გადავწყვიტე, მე თვითონ დავიცვა არა მარტო ჩემი შვილები, არამედ საკუთარი თავიც.

რაც საჩივარი შევიტანე, იმის შემდეგ ამ ქალბატონმა კვლავ გააგრძელა ჩემი მისამართით რაღაც საოცარი პოსტების წერა, ამიტომ, რადგან ჯერჯერობით არანაირი ზომა არ მიუღია არავის, ისღა დამრჩა, საკუთარი თავიც დავიცვა და ჩემი შვილების მდგომარეობაც.

ამბობს, რომ მას ჩემთან არ უმეგობრია და მხოლოდ 3-ჯერ არის მისალმებული ჩემ ქმარს და მეტი ურთიერთობა არ ჰქონია. განახებთ ჩანაწერებს და სქრინებს ჩვენი არმეგობრობის. ჩანაწერი არის 3-საათიანი, სრულ ვერსიას არ დავდებ იმიტომ, რომ იქ მომენტებია, რომელიც არ მინდა, ჩემმა შვილებმა მოისმინონ. მე მგონი, ეს ყველაფერი საკმარისი იქნება იმისთვის, რომ ძალიან კარგად გაიგონ, რას ვითმენ ორი თვეა.

არაერთ გოგოს მოუწერია შენი მსგავსი საქციელი მათ მიმართ, უბრალოდ ისინი მეუბნებოდნენ, რომ მათ არ ეყოთ არც ძალა, ეშინოდათ და ამიტომ გავჩერდითო. არა მარტო ამ გოგოების მაგივრად, მთელი მსოფლიოს ასეთი გამწარებული ქალების მაგივრად გიხდი მე შენ სამაგიეროს. და იცოდე ის ჩემი 4 შვილი, რომელიც შენ დღეს უმამოდ დატოვე, მათ უკან დგას პირველ რიგში დედა და მერე მორიელი, რომელსაც ხასიათი აქვს ომში შესვლის და მოგებული გამოსვლის.

თქვენი აწმყო თუ დაშორებული ქმარი, რომელიც დადის და ყველას ეუბნება, რომ შენ მართალი ხარ, იმედია მას აქვს საშუალება, რომ ბილეთი აგიღოს და ამ ქალაქიდან გაგიშვას. დამიჯერე, ამ დღის მერე ძალიან გაგიჭირდება ამ ქალაქში ცხოვრება…”, – ამბობს სალომე გოგიაშვილი.