გთავაზობთ მატილდა გვარლიანის ბოლო დროის შედეგებს, რომელიც 2026 წლის გაზაფხული/ზაფხულის სეზონის მოდის კვირეულებზე 11 სექტემბერს, ნიუ-იორკში დაიწყო და 6 ოქტომბერს, პარიზში დასრულდა.
ჯამში სულ 15 ჩვენება/პრეზენტაცია გაიმართა.
ლონდონში – H&M.
მილანში – Alberta Ferretti, Dolce & Gabbana, Fendi, Missoni Moschino, The Attico, Gucci.
პარიზში – Coperni, Hermes, Isabel Marant (გახსნა), Louis Vuitton, McQueen, Rabanne, Stella McCartney.
სამოდელო სააგენტოებზე დაყრდნობით, გვარლიანი სიმაღლეში არის 1.75 სანტიმეტრი, მისი პარამეტრებია კი 77-61-87.
მატილდას ქართული სამოდელო სააგენტო Look Modéls Managemént-ია, საერთაშორისო სამოდელო სააგენტო კი – Next Models.
ამ ინფორმაციას ონლაინ მედია FashionHolics Online გვიზიარებს.
ამ ინფორმაციის ფონზე, საინტერესოა, როგორია ამ სფეროს ანაზღაურება და რამდენს გამოიმუშავებს ამ მასშტაბის მოდელი საშუალოდ.
Next Models-ის მოდელებს, რომლებიც ლონდონის, მილანისა პარიზის მოდის კვირეულებში მონაწილეობენ, ჩვეულებრივ, აქვთ სტაბილური განაკვეთები და პრიორიტეტული კონტრაქტები მსხვილ ბრენდებთან.
აღსანიშნავია, რომ მატილდა გვარლიანი განიხილება, როგორც მზარდი პროფესიონალი, იდეალური სახე მაღალი მოდისთვის, აქვს შესაბამისი პროპორციები, სათანადო გამოცდილება და ძლიერი საერთაშორისო წარმომადგენლობა.
სავარაუდო ჰონორარები
ლონდონი: H&M – საშუალოდ €2,000–€3,000≈ €2,500
მილანი: Ferretti, D&G, Fendi, Missoni, Moschino, The Attico, Gucci – საშუალოდ €5,000–€7,000≈ €42,000
პარიზი: Coperni, Hermès, Isabel Marant, Louis Vuitton, McQueen, Rabanne, Stella McCartney – საშუალოდ €6,000–€8,000≈ €49,000
შედეგს უნდა გამოვაკლოთ სააგენტოს საკომისიო (15–20%), პლუს საგადასახადო და მოგზაურობის ხარჯები. ამის შემდეგ კი, მოდელის ანაზღაურება ერთ სეზონში, დაახლოებით, 70,000–78,000 ევროა.
დამატებითი ფაქტორები
- თუ რომელიმე ბრენდი მოდელს აიყვანს კამპანიისთვის ან lookbook-ისთვის, ეს კიდევ დამატებით €10,000–€25,000 შეიძლება იყოს.
- ზოგიერთ luxury ბრენდთან (მაგ. Gucci, LV) კონტრაქტი მოიცავს exclusivity bonus-ს — ანუ თუ მხოლოდ მათთვის გამოდის, მიიღებს ერთჯერად €15k–€30k ბონუსს.
- Next Models ხშირად უზრუნველყოფს ბინისა და მგზავრობის დაფარვას, რაც რეალურ სარგებელს ზრდის.
- მატილდა გვარლიანის კარიერა
14 წლის ასაკში მატილდა Look Models Management-მა თბილისში აღმოაჩინა, რაც მისი სამოდელო კარიერის დასაწყისი იყო.
როგორც თავად მოდელი არაერთ ინტერვიუში აღნიშნავს, ეს პროფესია მისთვის ბავშვობიდან საოცნებო იყო: „მთელი ბავშვობა მიზნად მქონდა დასახული, რომ როცა გავიზრდებოდი, უნდა ვყოფილიყავი მოდელი“ – ამბობს მატილდა. ამ სურვილის ასრულებაში მას საკუთარი მიზანდასახულობა და შრომისმოყვარეობა დაეხმარა და დღეს მატილდა გვარლიანი უამრავ წარმატებულ სამოდელო სააგენტოსთან თანამშრომლობს.
“12 წლის ვიყავი, როდესაც look Models Managment-ის ცეკვის მასწავლებლის მეგობარი შემხვდა სალონში. შემომთავაზა ნინო ცქიტიშვილის სააგენტოში მისვლა, რომელიც, მისი თქმით, არა მხოლოდ საქართველოში, არამედ უცხოეთშიც წარმატებით მუშაობდა. რა თქმა უნდა, დავინტერესდი და მივედი. ძალიან პატარა ვიყავი და ასაკიდან გამომდინარე გადავწყვიტე, ცოტა ხანს დამეცადა. 14 წლიდან მივედი სააგენტოში. მესამე გაკვეთილზე უკვე გადავიღეთ თამუნა ინგოროყვას „ლუქბუქი“. სააგენტოში 14 წლის უფრო მომზადებული მივედი, განსაკუთრებულად გავაძლიერე ენების შესწავლა, რაც მოდელს ძალიან სჭირდება. 12 წლისამ იქ ჩემი ტოლი გოგონები ვერ ვნახე” – იხსენებდა მატილდა.
15 წლის ასაკში მატილდამ მონაწილეობა მიიღო Pull & Bear’s 2020 წლის შემოდგომა/ზამთრის კოლექციის სარეკლამო კამპანიაში. ამან განაპირობა მისი გამოჩენა იტალიურ Vogue-ის კამპანიაში.
პოდიუმზე პირველად 2018 წელს გამოჩნდა და მაშინვე მიიქცია სამოდელო სააგენტოების ყურადღება – „ჩვენების დღეს ძალიან ვნერვიულობდი, ეს იყო ჩემი პირველი გამოწვევა, რომლისთვისაც თავი ღირსეულად უნდა გამერთვა. პოდიუმზე გავლისთანავე ყველანაირი შიში გამიქრა და საკმაოდ კარგად გავართვი თავი” – თქვა მოდელმა ერთ-ერთ ინტერვიუში. ამას Dolce & Gabbana-ს ჩვენებაზე გავლა და უამრავ ცნობილ ბრენდთან თანამშრომლობა მოჰყვა.
2024 წელს მატილდამ ისტორია დაწერა და გახდა პირველი ქართველი მოდელი, რომელმაც Victoria’s Secret-ის მოდის ჩვენებაზე გაიარა.
მთელი თავისი კარიერის განმავლობაში, მატილდა ამშვენებდა გამოჩენილი ჟურნალების გარეკანებს, მათ შორის M Le magazine du Monde-ს 2023 წლის ოქტომბერში, გადაღებული დევიდ სიმსის მიერ. იგი ასევე წარმოდგენილი იყო D Repubblica-სა და Elle US- ის რედაქციებში.
წყარო: marao.ge
