ბაკურციხე-გურჯაანის შემოვლით გზაზე, 32 წლის კაცი გარდაცვლილი იპოვეს. ადგილობრივი მედიის მიერ გავრცელებული წინასწარი ინფორმაციით, მას ავტომობილი დაეჯახა და მძღოლი შემთხვევის ადგილიდან მიიმალა.
გარდაცვლილი გურჯაანის მუნიციპალიტეტის სოფელ კარდენახის მკვიდრი, ვალერი მათიაშვილია.
ადგილობრივების ინფორმაციით, მამაკაცი წლებია სოფელში სამეურნეო საქმიანობით იყო დაკავებული.
ვალერი მათიაშვილი სახლიდან გუშინ, სავარაუდოდ, სავარჯიშოდ გავიდა და აღარ დაბრუნდა.
ოჯახმა მისი კუთვნილი ავტომობილი შემოვლით გზაზე იპოვა, ხოლო მოგვიანებით, მისივე ცხედარიც აღმოაჩინეს.
არსებული ინფორმაციით, მამაკაცს ავტომობილი დაეჯახა და მძღოლი შემთხვევის ადგილიდან მიიმალა.
შინაგან საქმეთა სამინისტროს ინფორმაციით, გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
წყარო: მთავარი ამბები კახეთიდან
