2025 წლის 5 ნოემბერს შემოდგომის ერთ-ერთი ყველაზე მნიშვნელოვანი ასტროლოგიური მოვლენა გველოდება. კუროს ნიშანში სავსე მთვარე იქნება. მას სუპერმთვარესაც უწოდებენ. როგორც ასტროლოგები ამბობენ, ამ დღეს თითოეული ადამიანი ძალიან დიდ ენერგიას მიიღებს.
მიუხედავად იმისა, რომ 5 ნოემბრის სუპერმთვარე გავლენას ზოდიაქოს ყველა ნიშანზე მოახდენს, კუროს ნიშნის წარმომადგენლებისათვის ეს მოვლენა მაინც ენერგეტიკულ გარღვევას უკავშირდება. სავსემთვარეობა შემოსავლის ზრდას, ბედისწერის საჩუქრებსა და ახალ ფინანსურ შესაძლებლობებს გპირდებათ.
თქვენი ძალისხმევა და შრომისმოყვარეობა დაფასდება და შესაბამის შედეგს მიიღებთ. როგორც ასტროლოგები ამბობენ, გაზაფხულიდან სხვადასხვა საქმეში ჩადებული ენერგია და მონდომება ხელშესახებ ცვლილებებს სწორედ ახლა მოიტანს და მოგების, დაწინაურების ან აღიარების შესაძლებლობა გექნებათ. ასევე, გაქვთ შანსი, ახალი, საინტერესო შეთავაზებები მიიღოთ და თვითგანვითარებაზე იფიქროთ.
გარდა ამისა, ამ პერიოდში შესაძლოა, თქვენს ცხოვრებაში ძველი მეგობრები გამოჩნდნენ ან მიიღოთ შეტყობინება იმ ადამიანისაგან, რომელიც ერთ დროს თქვენთვის განსაკუთრებული იყო. ამ კუთხით, მნიშვნელოვანი არჩევანის წინაშე დადგებით და კონკრეტული გადაწყვეტილებების მიღება მოგიწევთ. ასევე, სავსე მთვარის ენერგია სასიამოვნო ემოციებს გიმზადებთ. ამიტომ, შესაძლოა, მოულოდნელმა სიურპრიზმა გაგახაროთ.
ეს დღე მოგცემთ შესაძლებლობას, რომ სამომავლოდ მნიშვნელოვანი პროექტების განხორციელებაზე იფიქროთ და საბოლოოდ დაიწყოთ იმის გაკეთება, რაც დიდი ხანია, გინდათ.
თუმცა, დადებითი მოვლენების გარდა, გაზრდილი ენერგიის ფონზე, შესაძლოა, აღნიშნულ დღეს კონფლიქტების რისკი შეგხვდეთ. მთავარია, უსაფუძვლო გარჩევებსა და კრიტიკაში არ ჩაერთოთ და იმპულსური გადაწყვეტილებები არ მიიღოთ.
როგორც ასტროლოგები ამბობენ, სავსე მთვარის დროს სამყარო განსაკუთრებით მგრძნობიარეა იმის მიმართ, რასაც ხმამაღლა ვამბობთ და რისიც გულწრფელად გვჯერა. ამიტომ, თუ რაიმეზე ოცნებობთ ან რაიმეს ასრულება გსურთ, თამამად გამოხატეთ და პირველ ნაბიჯებზე იფიქრეთ.
5 ნოემბერი კუროსთვის ტრანსფორმაციის პერიოდი იქნება. ყველაფერი, რასაც ბოლო რამდენიმე თვის განმავლობაში აკეთებდით, ნაყოფს გამოიღებს. ზოგი პირველ მოგებას მიიღებს, ზოგიერთი დიდი ხნის ნანატრ დაწინაურებას, ზოგი კი უბრალოდ დარწმუნდება, რომ ახალი და ბევრად მასშტაბური საქმეებისა და პროექტების განხორციელება შეუძლია.
