51 წლის ასაკში გარდაიცვალა ლელა მენთეშაშვილი, „ევროპული საქართველოს“ ყოფილი წევრი და თელავის საკრებულოს 2017-2021 წლების მოწვევის დეპუტატი
მენთეშაშვილის გარდაცვალების შესახებ ინფორმაცია სოციალურ ქსელში მისმა ქალიშვილმა გაავრცელა.
პოლიტიკოსის დაკარგვას გლოვობენ ოჯახის წევრები, მეგობრები და პარტიის წარმომადგენლები.
მენთეშაშვილი საკრებულოში „ევროპული საქართველოს“ სიით მოხვდა.
დეპუტატი საქმიანობაში პრიორიტეტად სოციალური და ინფრასტრუქტურული პრობლემების მოგვარებას ასახელებდა.
ასევე ადგილობრივ თვითმმართველობაში განსაკუთრებულ ყურადღებას უთმობდა ბიუჯეტის მიზნობრივ და პასუხისმგებლიან ხარჯვას.
2019 წელს მონაწილეობდა თელავის მერიისა და საკრებულოს „დაბოქლომების“ სიმბოლურ პროტესტში.
ლელა მენთეშაშვილი ბოლო ხანს მძიმე სენს ებრძოდა. მას მეუღლე და ორი შვილი დარჩა.
