გელა ბარკალაიას სახლის ყაჩაღობის ბრალდებით დაკავებული ერთ-ერთი პირი გორის მერიის თანამშრომელი აღმოჩნდა.
ლაშა მეტრეველი მერიაში მძღოლად მუშაობს.
მან სასამართლო პროცესზე თქვა:
,,არ ვაღიარებ დანაშაულს. საერთოდ არ ვყოფილვარ ადგილზე. სახლში დამაკავეს გორში სოფელ ფლავში. ღამის 11 საათზე მოვიდნენ პოლიციელები და წამომიყვანეს მცხეთის განყოფილებაში. ვეუბნებოდი რომ არ ჩამიდენია დანაშული. არავინ მიცემია თქო. ამის შემდეგ დამიწყეს რტყმა თავში შუბლში თვალებში კისერზე მეორემ აღიარა და შენც უნდა აღიაროო. არ ვიცი სახელები ვინ იყვნენ 10 მდე პოლიციელი მედგა თავზე და 3 უმოწყალოდ მცემდა თითქმის მთელი ღამე“.
გელა ბარკლაიას სახლში ყაჩაღობის მიზნით შევიდნენ, 8-დან 12 წლამდე პატიმრობა ემუქრებათ – საქართველოს პროკურატურამ მცხეთის მუნიციპალიტეტში ჯგუფურად ჩადენილი ყაჩაღობის ფაქტზე ორ პირს ბრალდება გუშინ წარუდგინა.
წყარო: tv პირველი
