საქართველოს კულტურის სამინისტრო სოციალურ ქსელში სამძიმრის წერილს ავრცელებს.
„მწუხარებას გამოვთქვამთ ბატონი ჯემალ მაზიაშვილის გარდაცვალების გამო. ბატონ ჯემალს ქართული თეატრალური ხელოვნების განვითარებაში დიდი წვლილი მიუძღვის. ის რუსთავის თეატრის ერთ-ერთი დამფუძნებელი და ხელმძღვანელი იყო; მარჯანიშვილისა და რუსთავის თეატრის სცენებზე შესრულებული აქვს მრავალი დასამახსოვრებელი როლი. სამძიმარს ვუცხადებთ ბატონი ჯემალის ოჯახს, ახლობლებსა და კოლეგებს“, – ნათქვამია სამძიმრის ტექსტში.
