დღეს დილით, ვაჟა-ფშაველას გამზირზე, სუს-ის შენობასთან საკუთარ მანქანაში ცხედარი იპოვეს.
როგორც აღმოჩნდა, გარდაცვლილი ამავე უწყების ანტიკორუფციული სააგენტოს თანამშრომლია.
პროკურატურია განცხადების მიხედვით, გარდაცვლილს ცეცხლსასროლი იარაღით მიყენებული ჭრილობა აღენიშნება, მანქანის სავარძელზე კი წერილია ნაპოვნი.
,,სახელმწიფო უსაფრთხოების სამსახურის ანტიკორუფციულ სააგენტოს თანამშრომლის გარდაცვალების ფაქტზე, თბილისის პროკურატურის საგამოძიებო სამმართველომ გამოძიება სისხლის სამართლის კოდექსის 115-ე მუხლით დაიწყო.
ანტიკორუფციული სააგენტოს თანამშრომელი დღეს დილით საკუთარ ავტომანქანაში ცეცხლსასროლი იარაღით მიყენებული ჭრილობით გარდაცვლილი იპოვეს.
შემთხვევის ადგილის დათვალიერებისას ამოღებულია ცეცხლსასროლი იარაღი, რომელიც გარდაცვლილს თან ჰქონდა და წერილი, რომელიც გვერდითა სავარძელზე იქნა ნანახი.
მიმდინარეობს შესაბამისი გადაუდებელი საგამოძიებო მოქმედებები”, – ნათქვამია პროკურატურის განცხადებაში.
