ექიმი გიორგი ღოღობერიძე გვიზიარებს სასარგებლო რჩევას, რომელიც ფეხის კუნთების დაჭიმულობას „განასკვას“ ეხება.
„გამოწიეთ ორივე ხელი წინ და დააკვირდით, ხომ არ გაქვთ ხელების უნებლიე მოძრაობა, ტრემორი. ხომ არ გაქვთ ფეხის უნებლიე დაჭიმულობა, ან შეკუმშვა. თქვენ ამას ეძახით „ფეხი გამენასკვა“. მსგავსი სიმპტომები საკმაოდ ხშირია, რადგან საკვები, რომელსაც მივირთმევთ მაგნიუმით არც თუ ისე მდიდარია. ხანდახან ვიღებთ მედიკამენტებს, რომლებიც სხეულიდან მაგნიუმს განდევნიან.
კუნთების დაჭიმულობის მიზეზი შესაძლოა გახდეს ფაღარათი, ან ალკოჰოლი. ასევე მსგავსი სიმპტომების გამომწვევია ზოგიერთი მედიკამენტი. მათ შორისაა პრაზოლები, კუჭის დამცავები, როგორიცაა ომეპრაზოლი და სხვა. მიზეზი ასევე არის შაქრიანი დიაბეტი, როდესაც თირკმელი ვერ ახერხებს გლუკოზის გამოდევნას, შედეგად მას სხეულიდან სითხე და ელექტროლიტები გამოაქვს.
მაგნიუმის შესავსებად გამოგადგებათ ისეთი საკვები როგორიცაა: თხილეული, კაკალი, ქეშიუ. ასევე პარკოსნები: ლობიო, ოსპი და სხვა. ასევე სასარგებლოა ისპანახი და მზესუმზირა“, – ამბობს გიორგი ღოღობერიძე.
