იტალიაში მცხოვრები ემიგრანტი, ჟურნალისტი ხათუნა შარაძე, “ფეისბუქის” საკუთარ გვერდზე ხვიჩა კვარაცხელიას მიერ “ნაპოლიში” ჩატარებულ მატჩს ეხმაურება.
მისი სიტყვებით, “ფეხბურთელის ავტორიტეტმა სრულიად დიასპორა წელში გამართა”.
“ხვიჩა კვარაცხელიამ ემიგრაციაში დაგუბებული ქართველი ემიგრანტების უსასოობას წერტილი დაუსვა! ამ ერთმა ბიჭმა წელში გამართა სრულიად დიასპორა! ეს იგივეა რაც სამშობლოში დაბრუნება!!!
ემიგრანტების შელახული რეპუტაცია, დამამცირებელი ცხოვრებით გამოწვეული უხერხულობა, უსამშობლოობის განცდა გააქრო!!!
“მეც ქართველი ვარ!!!” – ეს სიტყვა, ემიგრანტისთვის ზარივით რეკავს!!! ის ავტორიტეტია, რომელიც სხვებს აიძულებს პატივისცემით მოგვექცნენ!!!
30 წლიანი ემიგრაციის ფონზე ეს ვერასდროს ვერავინ შეძლო, გარდა 22 წლის ბიჭისა, რომელიც უბრალოდ ქართველად დაიბადა!!!
მადლობა ხვიჩა!”, – წერს ხათუნა შარაძე ფეისბუქში.
შეგახსენებთ, რომ ხვიჩ 2012 წლიდან თამაშობდა თბილისის „დინამოს“ აკადემიასა და ახალგაზრდულ გუნდებში. კვარაცხელიამ კარიერა 2017 წელს, თბილისის „დინამოში“ დაიწყო. ერთი წლის შემდეგ „რუსთავში“ გადავიდა.
- მოსკოვის „ლოკომოტივი“
2019 წლის 15 თებერვალს, კვარაცხელია იჯარით მოსკოვის „ლოკომოტივში“ გადავიდა. მისი დებიუტი რუსეთის პრემიერ ლიგაში 2019 წლის 10 მარტს, მაჰაჩყალის „ანჟის“ წინააღმდეგ შედგა. ის მოედანზე 86-ე წუთზე გამოვიდა, ჯეფერსონ ფარფანის ნაცვლად.
2019 წლის 1 ივლისს, იჯარის ვადის გასვლის შემდეგ კვარაცხელიამ დატოვა „ლოკომოტივი“. მოსკოვის „ლოკომოტივის“ მწვრთნელმა იური სიომინმა კი განაცხადა, რომ იმედგაცრუებული იყო ხვიჩას გუნდიდან წასვლის და „რუსთავისგან“ არ გამოსყიდვის გამო.
- სანაკრებო კარიერა
მისი დებიუტი საქართველოს ეროვნულ ნაკრებში შედგა 2019 წლის 7 ივნისს ევროპის ჩემპიონატის შესარჩევი ეტაპის ფარგლებში, გიბრალტარის ეროვნული ნაკრების წინააღმდეგ. კვარაცხელიამ შეხვედრა ძირითად შემადგენლობაში დაიწყო. ეს იყო ერთადერთი შეხვედრა რომელიც კვარაცხელიამ 2019 წელს ნაკრებში ჩაატარა.
2020 წლის 14 ოქტომბერს, მან გაიტანა თავისი პირველი გოლი ნაკრების მაისურით, ერთა ლიგაზე, ჩრდილოეთ მაკედონიის ეროვნული ნაკრების წინააღმდეგ. შეხვედრა ფრედ, ანგარიშით 1–1 დასრულდა.
2021 წლის 28 მარტს გაიტანა ესპანეთის ეროვნული საფეხბურთო ნაკრების წინააღმდეგ. შეხვედრა ანგარიშით 1–2 დასრულდა. 2021 წლის 31 მარტს გაიტანა საბერძნეთის ეროვნული საფეხბურთო ნაკრების წინააღმდეგ.
შეხვედრა ფრედ, ანგარიშით 1–1 დასრულდა. 2020 წელს კვარაცხელიამ ეროვნულ ნაკრებში 4 შეხვედრაში ითამაშა და 1 გოლის გატანა მოახერხა.
2021 წელს კვარაცხელიამ ნაკრებში სამი შეხვედრა ჩაატარა და ორი გოლის გატანა მოახერხა. 2021 წლის 28 მარტს მან ესპანეთის ეროვნულ საფეხბურთო ნაკრებს გაუტანა, ხოლო სამ დღეში 31 მარტს საბერძნეთის ნაკრებთან გოლის გატანაც მოახერხა.
ამჟამად ის იტალიური ნაპოლის ღირსებას იცავს და ორ ოფიციალურ თამაშში სამი გოლი გაიტანა..
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
