ჩვეულებრივი ვახშამი შესაძლოა, ისეთ მოვლენად იქცეს, რომელიც სამუდამოდ შეცვლის ადამიანების დამოკიდებულებას ცხოვრებისადმი.
ერთ საღამოს ახილეშ კუმარმა გადაწყვიტა, რესტორანში სავახშმოდ შესულიყო. შეუკვეთა მენიუ და მაგიდასთან მოკალათდა. ჭამის დაწყებამდე ფანჯარაში ბავშვი დაინახა.
მიხვდა, რომ ის მშიერი იყო: ფანჯარასთან მდგომი პატარა შურის თვალით უყურებდა ახილეშის თეფშს.
ახალგაზრდა ბიჭი რამდენიმე წამით დაფიქრდა და გადაწყვიტა, ბავშვი დაეპურებინა. ჟესტით ანიშნა, რესტორანში შესულიყო და მასთან ერთად ევახშმა.
ბიჭი არ ელოდა ასეთ გულუხვობას, მოერიდა, თუმცა, როგორც კი რესტორანში შევიდა, ახილეშმა შენიშნა, რომ პატარა ბიჭს თან გოგოც ახლდა, რომელიც გაჭრილი ვაშლივით ჰგავდა მას. და-ძმა მორიდებით მიუჯდა მათთვის შეთავაზებულ ადგილებს.
ახილეშმა ბავშვებისთვის ზუსტად ის მენიუ შეუკვეთა, რასაც თვითონ მიირთმევდა. პატარებმა სწრაფად შეჭამეს, მადლობა გადაუხადეს უცნობ ადამიანს და გაიქცნენ.
ახალგაზრდა კაცმა ოფიციანტს ანგარიშის მოტანა სთხოვა, თან უხაროდა, რომ მშიერი ბავშვების დახმარება შეძლო. როგორც კი ანგარიში ხელში აიღო, მის გაოცებას საზღვარი არ ჰქონდა.
„ჩვენ არ გვაქვს სალარო აპარატი, რომელიც ადამიანობას ითვლის. ყველაფერი საუკეთესო გქონოდეთ ცხოვრებაში“, – ახილეშს ანგარიშის ფურცელზე სწორედ ეს სიტყვები დახვდა.
ამ ისტორიით აღფრთოვანებულმა ახილეშმა „ფეისბუკზე“ დაწერა მომხდარის შესახებ და ზღაპრულმა ამბავმა ინტერნეტსამყარო სრულიად მოიცვა.
ეს კიდევ ერთი მტკიცებულებაა იმისა, რომ სიკეთე ადამიანებს ასმაგად უბრუნდებათ.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
