ცივი გონებით გააცნიობიერა, რომ მისი სიცოცხლის დღეების ათვლა დაიწყო. პირველ რიგში ქმარზე იზრუნა ბრენდა შმიდტი ჩვეულებრივი ქალი იყო. როცა მას კიბოს დიაგნოზი დაუსვეს, დეპრესიაში არ ჩავარდნილა. ცივი გონებით გააცნიობიერა, რომ მისი სიცოცხლის დღეების ათვლა დაიწყო.
პირველ რიგში ქმარზე იზრუნა – უნდოდა, რომ დევიდი ყველაფრის მიუხედავად სიცოცხლით სავსე და მხნე დარჩენილიყო. სიკვდილამდე ბრენდამ თავისი უკანასკნელი სურვილის შესახებ წერილი დატოვა.
ქალს ყველაფერი ისე უნდა მოეგვარებინა, რომ მისი წერილი რადიოეთერში წაეკითხათ მაშინ, როცა დევიდი სხვა ქალს შეიყვარებდა. ყველაფერი ზუსტად ისე მოხდა, როგორც ბრენდას სურდა.
აი, მისი წერილის სრული ვერსიაც:
“მოგესალმებით რადიო “სტარ102,5”-ის სამუშაო ჯგუფს მე ბრენდა შმიდტი ვარ. ვინაიდან ამ წერილს კითხულობთ, ესე იგი კიბოსთან ბრძოლა წავაგე. ამ წერილს ვწერ, რათა ჩემმა საუკეთესო მეგობარმა როცა დრო მოვა, გადმოგცეთ იგი.
იმდენად დასუსტებული ვარ, რომ კალმის ხელში ჭერა მიჭირს და ამიტომ კომპიუტერზე ვწერ. თავს ძალას ვატან, რადგან მინდა ეს წერილი ჩემმა ქმარმა მაშინ მიიღოს, როცა ცხოვრების სხვა თანამგზავრს აირჩევს.
ახლა, როცა სიცოცხლის უკანასკნელ დღეებზე ვფიქრობ, დევიდს ჩემი ბოლო თხოვნა გავუმხილე. იმედი მაქვს, შემისრულებს. ვიცი, რომ ეს მისთვის ძალიან რთული იყო, მაგრამ მაინც სწორი გადაწყვეტილება მიიღო – იპოვა მზრუნველი და მოსიყვარულე ქალი, რომელიც ჩვენი ბიჭების გაზრდაში დაეხმარება.
დარწმუნებული ვარ, არაჩვეულებრივი ქალია. ნეტავ შემეძლოს მისი გაცნობა… მაგრამ ეს შეუძლებელია, ამიტომ ჩემს მეგობარს დავუტოვე სია, თუ რა უნდა გააკეთებინა ჩემი სიკვდილის მერე. ამ წერილის გასაჯაროვებაც ერთ-ერთი მათგანია.
ყოველთვის მიყვარდა თქვენს ეთერში საშობაო გადაცემები. ვიცი, რომ ყოველ წელს ხალხს სხვადასხვა სურვილს უსრულებთ. ერთ-ერთ გადაცემაში ჩემი სურვილებიც მინდა, რომ შეასრულოთ. მაშ ასე, განვაგრძობ:
ოთხი ბიჭი გვყავს – კარტერი, ჯოში, ჯასტინი და პატარა მაქსი. მაქსი ორი წლისაა და ყველაზე უმცროსია.
მისი პირველი დაბადების დღიდან ცოტა ხანში დამისვეს კიბოს დიაგოზი. დედის დაკარგვა ნებისმიერი ბავშვისთვის საშინელი კოშმარია.
მაქსი ალბათ გვიან, მაგრამ მაინც მიხვდება, რაც უბედურებაც მოხდა მის თავს და დაიტანჯება.
რამხელა ტანჯვაა, როცა ვიცი, რომ ვერ მივადევნებ თვალს ჩემი ბიჭების მამაკაცებად ქცევას. დევიდს ვთხოვ, მაქსს ჩემ შესახებ უამბოს ხოლმე, რომ ძალიან მალე არ დავავიწყდე.
ბედნიერი, ჭკვიანი, ლამაზი ბიჭი გაიზარდე, ჩემო ვაჟკაცო. დედიკო ყოველთვის ეყვარებით, ჩემო ძვირფასებო.
გთხოვთ მოიწონეთ და გააზიარეთ სტატია… ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
წყარო: მშობლები.გე
