ოკუპირებულ აფხაზეთში უპილოტო საფრენი აპარატი ჩამოვარდა – ინფორმაციას Эхо Кавказа ავრცელებს.
ადგილზე მობილიზებულია სარემონტო ბრიგადა და სოფელში ელექტროენერგიის აღდგენა მიმდინარეობს.
,,ოკუპირებული აფხაზეთის ოჩამჩირის რაიონის ერთ-ერთ სოფელში უპილოტო საფრენი აპარატის ნამსხვრევები იპოვეს. ვარდნამ ელექტროგადამცემი ხაზი დააზიანა” – წერს Эхо Кавказа.
გამოცემის ინფორმაციით, მარიონეტული რეჟიმის ე.წ. საგანგებო სიტუაციების მართვის სამსახურში ამბობენ, რომ ცნობები დრონების შესაძლო ჩამოვარდნის შესახებ გაგრის, ახალი ათონისა და გულრიფშის რაიონებიდანაც მიიღეს.
ადგილზე გასულმა მაშველებმა ნამსხვრევები ვერ იპოვეს და ეს ინფორმაცია ამ დრომდე დაუდასტურებელია.
