რომელი თევზი არ ეჭმება ბავშვს – ყველა თევზი სასარგებლო არ არის, ეს აუცილებლად უნდა იცოდეთ

თევზი რომ მზარდი ორგანიზმისთვის აუცილებელი პროდუქტია, ეჭვი არავის ეპარება. თუმცა ბავშვისთვის არასწორად შერჩეული, შეუფერებელი სახეობის თევზი შეიძლება მავნეც აღმოჩნდეს პატარას ორგანიზმისთვის.  დიეტოლოგებმა პატარებისთვის ყველაზე საშიში თევზი დაასახელეს.

პედიატრების რჩევით ბავშვს თევზი 8-9 თვიდან უნდა ვაჭამოთ. სასურველია, მას შემდეგ, რაც ბავშვი უკვე ხორცს გაუსინჯავს გემოს. ამასთანავე, გახსოვდეთ, რომ თევზი ბავშვს კვირაში 1-2-ჯერზე მეტად არ უნდა აჭამოთ. მიაქციეთ ყურადღება თევზის ხარისხს, სახეობას.

• უარი მდინარის თევზს

ღია წყალსატევი, როგორც წესი, ქიმიური ნივთიერებებითაა დაბინძურებული. მანდვე შეიძლება იყრებოდეს ნაგავი და ჩაედინებოდეს კანალიზაცია. სპეციალურ თევზის ფერმებში შეიძლება თევზი

ნაკლებად სასარგებლოა, მაგრამ დაბინძურებული ნაკლებადაა. საკვები, რომელსაც თევზს აჭმევენ და მოძრაობის შეზღუდვა თევზს დაავადებებს უჩენს, მათი თავიდან აცილების მიზნით, თევზებს ყოველგვარი პრეპარატით კურნავენ. მათ შორის _ ანტიბიოტიკებითაც.

გარდა ამისა, მდინარის თევზს ბევრი წვრილი ფხა აქვს. რომელთა ბოლომდე გამოცლა ფაქტიურად შეუძლებელია. ერთმა პატარა ფხამაც კი ბავშვს შეიძლება დიდი უსიამოვნება მოუტანოს.

• ორჯერ გაყინული თევზი

ხარისხიანად გაყინული თევზი შეიძლება ახალდაჭერილზე უსაფრთხო იყოს, რადგან გაყინვის დროს მასში ჩბუდებული უამრავი პარაზიტი კვდება. თუმცა, თევზი, რომელიც ჯერ გაყინეს, შემდეგ გალღვა და ისევ გაყინეს საბავშვო კვებისთვის არ გამოდგება. ეს წესი ეხებათ არამარტო პატარა ბავშვებს.

სიფრთხილე წითელი თევზის შეძენისას

სამ წლამდე ბავშვებისთვის ცხიმიანი სახეობის თევზების (რომლებსაც 8 პროცენტზე მეტი ცხიმიანობა აქვთ) ჭამა ნებადართული

არაა. ასეთ თევზებს მიეკუთვნება: ორაგული, სკუმბრია, ზუთხი, ქაშაყი, საირა.

დიეტოლოგებისა და პედიატრების აზრით, 1 წლიდან ორ წლამდე ბავშვმა საერთოდ არ უნდა ჭამოს არანაირი წითელი თევზი, ხიზილალა და ზღვის სხვადასხვა პროდუქტი. ამ ყველაფერმა შეიძლება არამხოლოდ ალერგია, კუჭ-ნაწლავის გაღიზიანება, ღვიძლთან და თირკმელებთან დაკავშირებული პრობლემები გამოიწვიოს. პატარას ორგანიზმს ჯერ საკმარისად არა აქვს გამომუშავებული ფერმენტები, რომლებიც ცხიმის გადამუშავებას შეძლებს.

• ვერცხლისწყლის დაგროვება

ცნობილია, რომ თევზს ვერცხლისწყლის დაგროვება შეუძლია. უფროსი ადამიანისთვის ის კრიტიკული არაა, მაგრამ პატარა ბავშვს ორგანიზმს შეიძლება სერიოზული ზიანი მიადგეს ვერცხლისწყლის დაგროვებით. ყველაზე მეტი ვერცხლისწყალი დიდი ზომის თევზებში გროვდება. ბავშვებისთვის განსაკუთრებით საშიში თევზია თინუსი.

• წაიკითხეთ ასევე: ნუ შეიძენთ პანგასიუსს

ამ თევზის ავ-კარგიანობაზე არაერთხელ დაწერილა. მაგრამ ერთხელაც შეგახსენებთ, რადგან საქმე ჩვენი შვილების ჯანმრთელობას ეხება. როგორც წესი, პანგასიუსი მალაიზიიდან შემოაქვთ, იგი მდინარე მეკონგში ბინადრობს _ მსოფლიოს ერთ-ერთ ბინძურ მდინარეში. მასში ჩაედინება კანალიზაციაც და ქიმიური ფაბრიკების ნარჩენებიც. პანგასიუსზე უარი თქვეს ზოგიერთ ცივილიზებულ სახელმწიფოებში: აშშ-ში, კანადასა და ევროპის რამდენიმე ქვეყანაში.

• რომელი თევზი ვაჭამოთ ბავშვს

თუ ბავშვისთვის თევზის არჩევა გადაწყვიტეთ, რამდენიმე ფაქტორი გაითვალისწინეთ:

ბავშვებისთვის შეიძინეთ შემდეგი სახეობის თევზი: ვირთევზა, ზღვის ქორჭილა, კამბალა, ხეკი, კალმახი.

გაყინული თევზის ყიდვისას ყურადღება მიაქციეთ მის იერს. თევზი დეფორმირებული არ უნდა იყოს. ყინული ან გამჭვირვალე უნდა იყოს, ან უმნიშვნელო რაოდენობის.

დაბოლოს, იმისათვის, რომ ბავშვისთვის მომზადებულმა თევზმა სასარგებლო თვისებები შეინარჩუნოს, მოუმზადეთ ორთქლზე ან ჰარღუმელში, მწვანილის დამატებით.